Mispelstraat Tarabana: Durante Toque de queda polisnan ta patruya den tur bario pa detene personanan cu no ta respeta Toque de queda.
Esaki a sosode tambe den Tarabana, diamars anochi un homber a dicidi di sali riba caya, keriendo cu polis no por topa cune riba caya, awel e la faya y a keda deteni.
Net e momento ey Polis a pasa patruya den e Mispelstraat y a topa cu e meneer aki riba caya, mesora nan a bay atende cune y e la keda deteni pa no a respeta Toque de queda. E la keda transporta pa warda di polis, caminda e mester presenta dilanti sub fiscal y tambe muy probablemente e lo keda cera den un cel te den oranan di mainta.
No ta solamente bo ta keda deteni y cera algun ora den un cel, pero es mas bo ta haya un boet di mil florin pa paga, den e tempo aki di crisis, e cantidad di cent ey ta hopi duro pa djis saca paga un boet.
