E equiponan aki, cu a wordo diseña pa yuda den e lucha contra coronavirus, a wordo rechasa pa gobiernonan Europeo. Miles di kit pa test pa e virus y mask medico tawata mustra di ta bou nivel di calidad necesario. E equiponan tawata tin defecto tambe, esaki segun autoridadnan di Spaña, Turkia y Hulanda.
Hulanda ta entre algun di e paisnan cu a haye ta deshaci di e articulonan aki. E mester a ‘recall’ (pidi bek) 600,000 masks medico. Tin intendi cu e equipo produci pa un compania Chines a yega dia 21 di maart y a wordo distribui caba pa personal den cuido medico.
Oficialnan ta bisando cu tin problema cu e tamaño di e masks (nan no ta sirbi) y cu e filter den dje no ta traha manera mester, aunke cu e equiponan aki tin un certificado di calidad. Gobierno di Spaña a bisa di a haya mesun problema cu e articulonan cumpra for di e compania.
Nan a cumpra miles di test for di e compania pa check pa e virus, pero a determina cu 60.000 no por a determina si enberdad un pashent a haya e virus of no. Embahada Chines na Spaña a laga sa cu e compania tras di e equipo defectuoso nan aki yama, Shenzhen Bioeasy Biotechnology. Aparentemente e compania no tin licensia for di autoridadnan medico Chines pa produci o bende nan producto.