TIN SUFICIENTE GAS PA SUPPLY HENTER ARUBA
Barcadera: Diabierna for di mainta trempan por a mira un fila largo di auto pa bay Arugas pa cumpra gas. Aparentemente hopi hende lo tin miedo pa keda sin gas, pa si acaso gas caba na Aruba of si acaso Arugas cera y por lo pronto no por cumpra gas.
Maske algun dia pasa Arugas a pone riba nan facebook page cu nan tin suficiente gas pa supply henter Aruba y tambe a laga sa cu si bin cualke cambio nan lo informa pueblo.
Pero asina mes hopi hende no ta confia y ta prefera di sinta oranan largo den auto, den un fila hopi largo y warda pa cumpra nan botter di gas.
Nos a trata di comunica cu Arugas, pero sin resultado, e telefon ta keda ocupa. Nos a manda un email y ta wardando contesta di Arugas, si ta bay tin cambio den e benta y distribucion di gas, especialmente despues di e anuncio di Gobierno di Aruba, pa cu Shelter in Place. Asina nos haya un update nos lo publica esaki.
Dia 16 di maart ultimo Arugas riba nan facebook page nan a pone e siguiente participacion.
