Paradera – Diadomingo anochi ariba e segundo dia di Toque de Queda algun minuut pasa di 9’or polis a stop un Nissan Cube.
Esaki a sosode dilanti Scol Preparatorio Nos Paraiso na Paradera.
Mas cu claro esnan den e auto no a respeta e TDQ y ta pa e motibo aki nan a wordo para.
Den e auto tawata tin un pareha, unda por a mira cu polisnan lo a bahanan di e auto y bay over na detencion. Por a mira un agente yenando e formularionanan cu nan datos.
Algun minuut despues un Transportwagen di CEA a presenta y e pareha a cana subi, unda nan lo a wordo transporta pa Warda di Polis.
Ta wordo papia hopi di e Social Distancing cu full mundo ta aplicando, pero pa nos sorpresa manera por aprecia ariba e imagennan, niun hende no por practica esaki durante e detencion.
Pues nos ta sigur cu esaki lo no ta e unico caso durante e detencionnan di TDQ.
Proteccion 0
E agentenan aki ta riscando nan bida y di nan famia na cas cu e acercamentonan aki. Debi cu ningun tawata tin handschoen y/of mondkapje bisti, mucho menos protective eye wear unda cu si bo no tin e proteccion necesario eynan lo bo por wordo contigia via bo wowonan.
Pues ta bon pa esnan na cabes di e crisis aki yuda e agentenan cu lo por ta e promenan cu por haci cu e indice di casonan di Covid-19 sigui aumenta. E ayudo mester ta material adecuado pa protehanan mes debidamente.
Nos di Arubanative.com ta pidi pueblo pa please sigui e medidanan di precaucion di DVG y por fabor si bo no mester sali keda den cas y asina Respetando y aportando pa e virus no sigui plama.
