Resto grandi di un net di pisca tabata drief den lama, formando asina peliger pa tortuga

Wariruri: Diadomingo Kustwacht steunpunt Aruba a ricibi un melding cu den lama na costa norte di Aruba tin un net grandi den lama.

Esaki ta un peliger grandi pa tortuganan cu ta frecuenta den nos awanan. Mesora e steunpunt a manda un Metal Shark direccion costa norte y na altura di Wariruri enberdad nan a bin topa cu un pida net grandi cu su boeinan na dje den lama. Na e net tabata tin varios resto di pisca grandi pega den dje.

Na yegada e patruya di Kustwacht a los e net y a hibe, pa asina e wordo destrui. Mundialmente dies porciento di tur desperdicio di plastic den lama ta bin di restonan di net di piscadonan.