Tanki Leendert/Seroe Patrishi: Diasabra den oranan di anochi polis ta haya un informacion cu tin un dama canando memey caminda riba Watty Vos Boulevard, asina aki formando peliger pa trafico y pa su mesun persona.
Na yegada enberdad entre e paperclips rotonde y rotonde Tanki Leendert, direccion pa bay Seroe Patrishi, polis a bin topa cu algun auto para riba caminda y algun persona tabata tin un dama teni.
Polis a acerca nan y nan a bisa polis cu enberdad cu e dama aki ta bou influencia y tabata canando riba caminda, formando asina un peliger pa trafico y pa su mes. E bon samaritanonan aki a logra tene e dama y kit’e for di riba caminda, nan a wante te ora cu polis a yega.
Na e sitio un persona a bisa polis cu e conoce of lo por ta un famia di dje, nan a dicidi di hibe su cas.
