Autoridad a drenta adres conoci na Tarabana relaciona cu posibel bendemento di droga

Pindastraat/Mandolinstraat – Diabierna merdia pa atardi momento cu Aruba tawata cerando conoci cu su dos casonan di Coronavirus, autoridad tawata preparando pa drenta cas den Tarabana.

Esaki segun por compronde cu lo ta relaciona cu casonan di posibel bendemento di droga. Mester remarca cu e adresnan aki cu drenta y haci detencionnan no ta nada nobo.

Pues durante dia polisnan tawata sinta vigila e cas, cu ta uno conoci pa bendemento di droga. Esnan cu tawata bay eynan y cumpra nan “hit” tawata wordo sigui y deteni pa autoridad.

Esaki lo wordo usa como prueba di parti autoridad pa forma e caso.

Mas den oranan di merdia ariba ordo di Fiscal, un parti di e caya Mandolinstraat cu Pindastraat a wordo cera y asina polisnan a drenta e cas y efectua mas detencion y tambe confisca articulonan di interes pa e investigacion.