Oranjestad – Diaranson pasa ariba 11 di maart polis y ambulance a bay memey di Moomba cu Hadicurari, unda un diving tank perteneciendo na e compania Palm Beach Divers a rementa.
E dia eynan segun nos a compronde Mario Pascual Maduro miho conoci como Maiky tawata lastrando un garoshi, cu tawata tin varios tanki di oxygeno.
Algo a bay robes y segun esnan eybanda un tanki a cay y e cabes a bula, causando un explosion cu a tambe Maiky y no a lage lanta mas.
Mesora algun persona a bati alarma. Un zonido cu a ser scucha pa basta meter leu.
Na yegada di polis nan ta haya Mario ariba su lomba drumi, y por a mira cu tawata den hopi dolor pero no tawata habri si wowo.
Su man drechi e tawata cera su mokete duro, indicando hopi dolor.
Paramediconan cu a yega mesora a prepare pa sali cune direccion Hospital, pero ya a observa cu su situacion tawata delicado.
Algun rato despues personal di D.T.I tambe a yega pa pone nan mes na altura di e accidente.
Mientrastanto algun rato prome, personal di e compania di Dive a sigui y a bay cu e resto di e tankinan.
Diabierna mainta a drenta e lamentabel noticia cu Mario Pascual Maduro conoci tambe como Maiky.
Cuerpo policial a manda e siguiente relato:
“Dia 11 maart 2020 un boter di gas lo mester a rebenta ariba un persona.
Tawata trata di Mario Pascual Maduro nasi na Aruba di 56 aña.
Awe mainta lamentablemente e notisia a drenta cu Mario a fayese.
Nos di Cuerpo Policial kier a manda palabranan di condolencia na e famia di e fayecido”.
Mario Pascual Maduro conoci como Maiky a nace 12 di November 1963 y na bida ta ruman di Pastoor Jairo Maduro.
Nos kier a desea famia di Mario Pascual Maduro hopi forsa den e dianan cu ta bin.
