Mantene e Salud, Mehora e Salud, Recupera e Salud
OMS (Organisacion Mundial di Salud) den su strategia mundial riba e Regimen di Alimentacion y Actividad Fisico, ta propone un modelo planifica destina na cambio di comportacion di e pueblo cu lo tin beneficio social, sanitario y economico. (OMS, 2009). Den e sentido ey y despues di e exito grandi di Dia Mundial di Salud na aña 2002, cu a logra mobilisa 148 pais cu un total di 1987 evento, cu e slogan “Agita Mundo – Move pa Salud, traduci den 63 idioma diferente, e Asamblea Mundial di Salud di e Organisacion Mundial di Salud a pidi e diferente paisnan miembro pa celebra tur aña un dia cu e meta di promove actividad fisico como elemento esencial di salud, igualdad y bienestar. E celebracion aki ta forma parti di un iniciativa mas amplio di OMS, cu e meta pa combati e carga creciente di malesanan cronico door di e “Strategia Mundial di Regla di Alimentacion, Actividad Fisico y Salud’, cu a ricibi nan mandato tambe. E meta e aña aki ta pa profundisa accionnan den e poblacion, cu diferente evento cu ta promove un bida activo y saludabel den e pais completo: Cada bario, districto, instancia educativo, club, gymnan etc. pa organisa nan propio actividad of uni nan mes na un evento ya programa. Den e sentido aki ta spera involucra un cantidad grandi di instancianan cu na nan turno ta yama e mayor cantidad di participante posibel, respetando y probechando tur aspecto cultural y diferencia local como forma di promocion di e mensahe di un bida saludabel y activo.
Awo bon, teniendo cuenta cu e lema di e aña aki ta Tur Stap Ta Conta, (segun e liñanan nobo di promocion mundial di actividad fisico, e Centro de Estudios del Laboratorio de Aptitud Fisica de Sao Caetano do Sul (CELAFISCS)), bou guia di dr. Victor Matsudo, pionero di e programa Agita Mundo ta lansa e campaña ‘Tur Stap Ta Conta’. Esey kiermen cu ta tene cuenta cu tur actividad fisico di cualkier duracion y ee slogan di 30 minuut ta cambia pa Cada Stap Ta Conta. E directornan di e actividad fisico na 2008 pa e paisnan Americano ta recomenda un acumulacion di actividad fisico modera pa intenso den un periodo di 10 minuut of mas. Un investigacion nobo ta proba awo cu cada cantidad di ehercicio modera of intenso ta conta pa yega e cantidad desea.
E ‘Comite Asesor de Pautas de Actividad Fisica 2018′ ta conclui cu sesionnan di cualkier duracion ta beneficioso pa e salud, en conexion cu e cantidad di actividad fisico acumula.
Sugerencia pa slogan
= Tur stap ta conta pa promove salud = Tur stap ta conta pa combati sintamento = Tur stap ta conta pa mehora bo salud
A base di loke ta menciona ariba ta propone di manera general lo siguiente:
Metanan:
Bin cu strategia y actonan efectivo pa promove un bida saludabel y activo na nivel
nacional, cu un sentido concreto di igualdad.
• Promove adopcion di estilo di bida activo door di crea un consenshi saludabel y
activo. Aumenta e concientisacion di pueblo y organisacionnan social tocante prevencion di malesanan cronico no transmitibel, e importancia di un bida activo pa mehora e salud.
Baha e indicado di inactividad fisico y e epidemia di sintamento di pueblo en general.
• Crea ambientenan faborabel cu ta contribui na fortalese e capacidadnan di comunidad
pa haci actividad fisico na un manera inclusivo y participativo.
E network di Agita Mundo ta organisando e celebracion di Dia Mundial di Actividad Fisico cu lo ta dia 6 di april y e tema principal ta ‘Tur stap ta conta’. Ta celebra e fecha special aki den cinco continente, yegando na mas cu 2500 evento den mundo henter. IBSA y FMTB hunto cu nos stakeholders” tambe lo organisa diferente actividadnan.
Henter luna di April por celebra y nos ta yama’e Luna Berde. Dia 6 di april 2002 e organisacion Mundial di Salud a celebra e Dia Mundial di Salud cu e titulo di Agita Mundo: Move pa bo salud pa resalta e exito di Agita Sao Paolo, realisa pa e Secretaria di Salud di Sao Paolo y e Centro di Estudio di Laboratorio di Investigacion di Aptitud Fisico – CELAFISCS.
Tambe el a inspira e creacion di e Red di Actividad Fisico pa Merca: RAFA/PANA; y e Red Agita Mundo funda na 2002.
E celebracionnan tradicional di Dia Mundial di Actividad Fisico ta inclui:
. Caminata;
Forum di bon practica; Baile y otro actividad deportivo; Ceramento di caminda riba crusadanan importante;
Blokea e liften pa un rato;
• Lansa un programa comunitario pa promove Actividad Fisico
Contacto cu media
• Concurso di posters etc.
RUBA!… Un evento special ta e Caminata Virtual! Dia 6 di april pa 10 di mainta gara bo computer y bombardia Internet, Facebook, Instagram, YouTube, whatsapp, Twitter cu mensahenan di
CADA STAP TA motivacion pa un estilo di bida activo.
CONTA PA BO SALUD!
Importante Pa nos por demostra e forsa di nos movecion, registra bo evento riba www.portalgita.org.br of serka IBISA – [email protected] y bo por haya mas informacion di e evento na “Como celebrar’ (con pa celebra),
Ban sacudi e mundo hunto!!!
Pa mas informacion por tuma contacto cu Rudy Leysner-5942546 ([email protected]); Edgar Erasmus na IBISA 582-4987 ([email protected]) of Iraida Thijzen na IBISA-582-4987 ([email protected]).