139
Noord – Diasabra merdia polis a wordo notifica di un homber basta burachi na un supermercado na Noord. E homber aki lo tawata tin intencion di bay stuur su auto tambe.
Polisnan a bay na e supermercado indica pero no a topa cu e homber, si auto si tawata pafo.
Agentenan a bay paden y a bin topa cu e chauffeur pata pata.
Nan a cuminsa cana cune bay pafo.
Momento cu nan tawata bayendo pafo e homber a cuminsa bira fastioso, polisnan a papia cune pa e calma.
Pero, cada bes e tawata coopera menos y no a keda nada pa bay over na detene. Tur esaki debi cu e tawata asina burachi.
A check su papelnan di auto y esakinan no tawata na ordo tampoco.
Segun polisnan a compronde hunto cu e homber aki tawata tin un hende muhe, cu a bay cu e jabi di auto tambe.
Transportwagen a wordo pidi pa bay cu e homber Shaba y tambe takelwagen pa bay cu e auto direccion Balashi.