Boroncana – Diasabra anochi algo pasa di 11’or, un habitante di Boroncana a yega su cas y a topa cu un dama benta ariba suela. E habitante a haci lo corecto di a avisa polis mesora.
Na yegada, enberdad e polisnan a constata cu e dama lo a wordo seriamente maltrata. Den tur su dolor y zonza e dama a logra conta e polisnan kiko a pas’e.
Segun su version, tata di su yiu lo ta esun cu a maltrat’e y despues a bent’e for di auto, causando cu ela keda herida.Tambe ela splica cu e homber aki ta biba den Tangerinastraat y cu despues cu ela benta e dama, ela bay su yiu den auto.E homber lo ta moviendo den un Honda CRV color preto.
Ambulance a wordo pidi mesora na e sitio pa asina trata e dama y despues hibe Hospital. E dama tawata tin hopi dolor y tawata desespera pa haya su yiu. Polisnan mesora a cuminsa tira bista ariba caya pa e Honda CRV cual number ta conoci pa polis y tambe su adres.
