Rooi Bosal – Diabierna anochi den careda di 9’or varios patruya a cuminsa bay direccion Pos Chikito, unda algun colega lo a pidi refuerso pa un situacion cu tawata saliendo di man.
Entre e patruyanan tawata tin esnan di Santa Cruz cu tawata cerca y cu a haci uso di zwaailicht y sirene pa bay Pos Chikito.Segun testigonan, lo tawata trata di dos patruya bayendo cu velocidad halto zuid na altura di Ex veld di Winston.
Un señora di edad di tawata na stuur di su Mitsubishi Lancer y dado momento a bay bira na su man robes y aki ta unda e auto di polis D-502 ta dal na banda di chauffeur parti dilanti.E señora ta scapa di a haya golpinan serio.
Na e sitio testigonan a conta cu e ambos agente herida a baha cana y despues e agente femenino lo a sak den otro, debi na e golpi na pecho.Su colega masculino tambe tawata herida, pero asina mes lo tawata trata na consola y yuda su colega.
Paramediconan na yegada depues di basta rato di a stabilisa y prepara e agente femenino a pone den ambulance y despues su colega tambe a bay den e mesun un ambulance. Pues probablemente no lo tawata tin mas ambulance disponibel e momento ey.
