Rudolf Arendsstraat / Weststraat Diaranson mainta pa mas o menos 9:45 polis y ambulance a wordo pidi ariba e crusada conoci pa accidente aki, cu ta Rudolf Arendsstraat cu Weststraat.
Na yegada di polis nan a topa cu un truck di Serlimar y tambe Forensys.
Ariba e parkeer plaats di e supermercado dos auto cu daño material.
Loke a sosode
Un dama na stuur di un KIA bayendo direccion nort ariba Weststraat a haye confronta cu un truck di Serlimar na su banda drechi.
E dama tawata ariba su camibda di preferencia, debi cu e caya ey esta Weststraat ta un caminda di preferencia, indica cu borchi.
Chauffeur di Serlimar lo a lepia y a medio subi e crusada net momento cu e KIA tawata acercando.
E dama di e KIA a reacciona door di kita bay na su man robes, y a sigui core bay strit ariba e supermercado.
Eynan tawata tin un cliente cu net a yega para su auto y ta unda cu e KIA a bay termina contra e mura y Toyota Corolla cu a caba di yega parkeer.
Na yegada di Paramediconan nan a atende e dama cu mas bien a pasa den un susto grandi asina cu un truck di sushi.
Ela wordo atendi na e sitio y despues e Paramediconan por a sigui nan caminda.
Polis di trafico a tuma tur datos.
