Hombernan burachi ariba caya no a gusta cu polis a bay atende cu nan

Wilhelminastraat – Dialuna marduga den careda di 12:30 polisnan cu a caba di atende un asistencia na Citgo Caya Grandi a topa cu dos homber, momento cu nan tawata bayendo warda.

Loke a yama nan atencion tawata  cu e dos hombernan aki tawata trata di yuda otro, debi cu ambos tawata burachi.

Mirando cu nan ta ariba caya y por trece nan mes y otronan den peliger a baha atende cu nan.

Esaki lo no a cay den bon tera, mirando cu un di hombernan aki a bira agresivo y polisnan mester a atende cu man duro.

Ambos homber a wordo deteni y hiba warda pa buracheria ariba caya.