Savaneta: Diasabra den oranan laat di atardi despues cu solo a baha, unidad motorisa a tene un control di trafico na altura di La Granja Savaneta. Pa asina trata na evita cu chauffeurnan bou influencia sigui tras di stuur y por causa dañonan grandi na nan mes of na otro.
Despues cu e parada grandi di Carnaval a caba na San Nicolas, esnan di e unidad motorisa di Cuerpo Policial di Aruba tabata para riba e caminda principal di San Nicolas pa Oranjestad, nan tabata teniendo un control di trafico na altura di La Granja y no solamente riba e caminda grandi pero tambe riba e caminda patras di La Granja, unda niun chauffeur bou influencia no por a scapa di nan control.
Algun detencion a cay pero te na e momentonan aki no ta conoci cuanto persona a keda deteni durante e control aki, nos ta wardando riba e informacion oficial di polis.
Motor unit haciendo un tremendo trabou cu nan controlnan den trafico, pa asina trata na evita mas accident causa pa chauffeurnan burachi.
