Detencionnan a subi na Parada di Luz compara cu aña pasa

San Nicolas – Diahuebs anochi Cuerpo Policial a haye man yen durante e Parada di Luz den cayanan di San Nicolas.

Den un comparacion cu aña pasa, e cantidad di personanan cu no a sigui ordo di polis a aumenta.

Aki ta sigui un compilacion di parti Cuerpo Policial.

“Diahuebs  anochi pa 8:00 SMAC conhuntamente cu Cuerpo Policial a  haci inicio na e parada di luz na San Nicolas. Tabata tin 9 grupo y mas o menos 4000 participante.

Nos a conta cu 160 personal riba pia.

Diferente departamento di Cuerpo Policial a traha hunto entre otro Polis Uniforma, ME, Motor Unit, K-9 , Mobiel Commando, Departamento di Recherche, Personal administrativo y nos Commando Kamer. Tambe personal di CEA.

Pa 00:35  e cabez a jega Joe Laveist y  pa 1:50 madruga , e parada a jega su final.

E aña aki nos a conta cu 31 detencion.

Aña 2019 tabata tin 16 detencion”.