Stichting Musica ta haci su maximo esfuerzo pa por cumpli cu tur participante y banda, en particular e ganadornan di Aruba Caiso & Soca Monarch, pa loke ta trata e entrega di premio financiero. Ya a bira un custumber cu esaki ta tuma lugar prome cu e temporada di Carnaval caba y e biaha aki no ta un excepcion.
Durante un anochi ameno na Balashi Beer Garden, Stichting Musica a ricibi e ganadornan y despues di duna un palabra di elogio y gradicimento na sponsornan, colaboradornan y voluntario di e festival, e ceremonia oficial a tuma lugar.
CAISO 3er lugar: Lady Ambiance (Tabitha Smith-Heemstadt) – cancion: Arise – banda: Ambiance – compositor: Tabitha Smith-Heemstadt y areglista: Dwain Elias Heemstadt
2do lugar: Blacky (Mervin Baptiste) – cancion: No Place Like Home – banda: N Fuzion – compositor: Richard Quant & Adolfo Richardson – areglista: Adolfo Richardson
1e lugar: Galloway (Carl Roosberg) – cancion: A True Role Model – banda: Tsunami – compositor: Carl Roosberg – areglista: Kenny Philips
SOCA 3er lugar: Tattoo (Richard Quant) – cancion: Carnival Is We – banda: Zeta Band – compositor: Richard Quant – areglista: Adolfo Richardson
2do lugar: T-Money (Tony Mingo) – cancion: Flag Fest – banda: Le Groove – compositor y areglista: Antoni Gario
1e lugar: Black Diamond (Antoni Gario) – cancion: Cucu Soup – banda: Le Groove – compositor y areglista: Antoni Gario
Fuera di e premio pa e artista, banda, compositor y areglista ganador pa ambos categoria Caiso y Soca, tambe a honra algun premio di incentiva:
Best Costume: Blacky (Mervin Baptiste) cu tabata tin diferente costume pa ambos anochi final di ACSM2020, cual ambos tabata sumamente bunita acaba.
Best Dressed Band: N Fuzion y Tsunami (empate). Ambos banda a sa di luci durante tur dos anochi final di ACSM2020 cu e banda completo bon uniforma y ta cuadra cu e temanan cu a wordo presenta.
Best Caiso Show: Lady Ambiance (Tabitha Smith-Heemstadt) cual show a wordo interpreta den forma artistico/teatral e nificacion di su cancion “Arise”.
Cu hopi placer Stichting Musica a duna espacio na Serlimar pa entrega un premio na nos Caiso Monarch y Soca Monarch. Aruba Vision Center a otorga ambos Monarca un bril di solo di marca Bolon pa nan por luci durante e paradanan di fin di siman y tur ganador di e festival a ricibi un bunita recuerdo fotografico di parti e revista/website Bacchanal.
Stichting Musica ta sumamente agradecido na Setar NV, Aruba Tourism Authority, Aeropuerto Internacional Reina Beatrix, Ministerio di Finansa, Economia y Cultura, Elite Productions y Tropical Bottling Company pa nan sosten y pa por haci e festival di gran magnitud aki posibel.
Un invitacion ta bai na henter pueblo di Aruba pa bin celebra e ultimo parada y evento di Carnaval 66, cual ta e “Old Mask Parade” y kimamento di Momo cu lo tuma lugar riba diamars, 25 di februari for di 7 PM na San Nicolas. Pa mas informacion y desaroyo por sigi e Facebook page di Stichting Musica.
