Dakota – Durante fin di weekend polis di Playa mester den oranan di anochi varios biaha den vecindario di Misa di Dakota, pa pelea entre dos grupo.
Tawata diadomingo anochi cu polis a wordo informa di un problema cu a escala y lo a papia cu tin arma envolvi.
Un patruya bayendo e adrese cerca di Misa La Birgen di Fatima a topa un Altezza tratando di bay cu velocidad poco halto.
Patras di Pius X School esta den Tangerinastraat polis a pare.
E chauffuer lo a duna polis permiso pa rista pa arma y a splicanan un ke otro, esta cu aparentemente e otro grupo of otro hendenan ta esnan cu tin arma.
Mientrastanto un otro patruya tawata na Milonstraat, unda e problema a start.
E momento eynan polisnan a papia cu ambos partido y a consehanan si tin algo nan por bay entrega keho.
Despues di un rato polisnan a sigui nan caminda.
Algun ora despues e mesun un problema a start banda di YMCA, parse cu esun cu nan a para y rista su auto den Tarabana lo a pasa den caya busca problema.
Na yegada di polis un di e partidonan lo a move di e sitio caba.
Polis lo tin datos di ambos banda y manera sa pasa den hopi di casonan aki, e problema por continua.
