Polis a detene dos ocupante di un Toyota Aristo despues di un control

Camacuri – Diadomingo atardi altura di Aruba Bank Camacuri polis a para un auto color preto pa un control.

Tawata trata di un Toyota Aristo.
Den e auto tawata tin dos ocupante.

Durante e control agentenan a bay over pa haci un control den auto.

Agentenan a bin encontra droga den e auto y esaki a bira motibo pa a detene ambos.

A separa nan for di otro y a pidi Transportwagen.

Na yegada uno a bay den Transport y e otro a wordo hiba den patrouille.

Segun nos a compronde ambos a wordo hiba warda di Playa.