Noord – Diahuebs anochi den careda di 10’or un ciudadano a haya su mes ta mira su bida completo pasa su dilanti, momento cu ela wordo atraca y arma di candela buta na su cabes.
Lo tawata trata di dos hende homber cara tapa. Un rato a papia Papiamento y un rato a papia Spaño, segun e señora por a informa Polis.
Ambulance tambe a wordo pidi, debi cu e señora a cuminsa bira malo.
Di parti Cuerp Policial nos a haya e siguiente relato:
“Diahuebs anochi pa 9:45 central di polis ta wordo notifica cu un atraco lo a caba di tuma lugar rna un cas. A Noord .
Ta asina cu a manda patruya di polis na e sitio menciona y na unda nan por a bin compronde for di e señora doño di cas cu un rato prome dos hende homber cara tapa y un di nan cu un arma di candela a purba atrake.
Un di e sospechosonan a pone e arma di candela na su cabez y a pidie pa placa.
Nan a papia papiamento y despues spanjo poco kibra.
E dos atracadonan pa un motibo of otro no a logra bay cu nada . Nuin placa ni nada.
Nan a huy na pia direcion nort.
Inmediatamente a bay mobilisa diferente unidad di polis y helicopter .
Atraco Team a presenta na e sitio , polis technico y tambe slachtofferhulp.
Cuerpo Policial ta pidi esun cu a wak algo of sa algo jama e tiplijn di polis cu ta 1114”.
