Hooiberg Kavel – Diahuebs anochi pa mas o menos 11’or polis y ambulance a wordo pidi pa bay cu urgencia Hooiberg Kavel, unda un accidente lo a sosode y e chauffeur no ta duna señal di bida.
Na yegada basta lihe di e patruya enberdad nan ta pidi pa ambulance bin mas lihe, debi cu e situacion di e chauffeur ta delicado.
Segun por a conpronde na e sitio ta cu habitantenan a scucha un zonido duro y ora a sali wak a bin topa cu e auto color cora.
E auto aki lo tawata biniendo for di pariba den un caya situa den Hooiberg Kavel mes.
Yegando e final di e caya elo a bira malo y sigui bay strit y asina ta accidenta.
Na yegada di ambulancenan mesora a cuminsa traha cune, usando e aparato automatico di CPR(Lucas).
Paramediconan a sake for di e auto y a pone ariba e cama.
Aki prome cu a sali cune a haci bastante preparacion y ora tur cos tawata cla a sali cune direccion Hospital.
Lamentablemente e cabayero di fam R Figaroa(59) no a sobrevivi. Na Maart elo a cumpli 60.
Nos ta manda un palabra di condolencia y forsa na e famia.
