Green Corridor – Dialuna marduga algo pasa di 12:30 di mey anochi varios yamada a cuminsa drenta cu un auto lo a cay for di brug Gobernador Fredis Refunjol.
Mesora a cuminsa manda unidadnan policial e direccion.
Na yegadad mesora agentenan por a constata cu e Vangrails a wordo completamente ranca. Mesora a baha tambe pa mira e situacion di esnan den e auto.
Unabes abou nan por a mira cu ta trata di un Nissan March color biña scur cu dos persona aden.
Tawata trata di un homber y un muhe.
A pidi pa Ambulance y Materiaalwagen, debi na e manera cu ambos a keda pega.
Na e sitio un automobilista bayendo direccion Pos Chikito a scucha un zonido fuerte y a bay pariba lora bin bek y ta mira cu algo serio mester a pasa. E Vangrails tawata kibra y hopi cos gespart ariba caminda.
Segun nos a compronde e auto aki lo tawata biniendo cu velocidad sumamente halto y a perde control total ariba e stuur.
E auto lo a kita na su man drechi bay dal contra un di e pilarnan grandi di e brug, pa despues cay.
E pareha aki te unda nos por a mira, ambos tawata na tino, pero si cu hopi dolor.
Rotonde Pos Chikito a wordo cera pa e unidadnan di rescate por a traha. E rotonde a permanece cera tambe. Debi cu e parti no tin Vangrails.
Departamento di trafico y tamve departamento tecnico di polis a keda na e sitio te casi 3’or pa haci un investigacion riguroso.
For di Vocero di Polis Sra.Rasmijn por a compronde cu ambos victima a bay Hospital cu urgencia. E dama lo a haya basta golpi na cabes y tambe curpa, segun Sra.Rasmijn di Cuerpo Policial. E cabayero lo a haya golpi fuerte na rudia.
Oktober 2019, dos auto a cay for di e brug aki rancando e Vangrails. E biaha ey tawata tin multiple hende herida entre nan un criatura.
