Boegoeroei – Diabierna marduga durante cu polisnan y ambulance tawata atendiendo e accidente serio na Paradera un otro accidente a sosode, pero e biaha aki na Boegoeroei.
Informacionnan a sigui drenta cu lo tin dos persona herida den e accidente aki tambe.
E accidente aki a sosode panort di e rotonde nobo dilanti Stadion di Frans Figaroa.
Na yegada di polis nan a topa cu un otro Nissan March March completamente destrui dilanti y pariba di caminda un Lincoln color blanco. Por a mira cu dilanti parti abou a sufri daño.
Mester remarca cu accidente aki tawata uno sumamente fuerte, debi cu e Lincoln biniendo di zuid no a para na e rotonde y a pasa over di e rotonde banda di pabou.
Pa mala suerte e Nissan March tawata ariba su banda y a wordo sorpresa frontal door di e Lincoln.
E impacto tawata asina duro cu esaki a causa cu eta manda e Nissan March meternan atras banda drechi di caminda.
Danki Dios den e accidente aki no tawata tin herido serio.
Na yegada di Ambulance Paramediconan a transporta e dos heridonan pa Hospital.
E Nissan March a keda totalos.
