Parke Arikok – Diadomingo atardi den careda di 4’or e persona encarga cu parke e momento eynan a pidi presencia di Polis, pa dos persona Canades.
Un ta doño di un car rental situa na Sabana Liber.
E problema ta sinta cu e duo aki varios biaha lo a wordo adverti cu loke nan ta haciendo ta contra ley.
Pero debi cu e ta doño di e car rental e ta dispone di varios auto entre otro Jeepnan Wrangler e ta cambia auto y ta regresa.
Pik cu Shovel
Varios parti den e parke a wordo daña. Door di e duo aki, uno Canades y otro probablemente Mericano.
Usando pik cu shovel nan tawata core rond buscando oro y esaki a causa segun representantenan di e Parke basta daño.
Na yegada di polis nan a atende cu nan, mirando cu e Parke ta un area protehi nada mag di wordo saca di Parke. Una bes bo saca algo tene cuenta cu si bo wordo gara bo lo hayabo den problema.
E duo aki tawata core den rooinan enbusca di oro y manera nos a bisa caba door cu e tin diferente auto na su disposicion e tawata keda burla di e Park Rangernan, door di bin bek.
Diadomingo e wega a caba ora cu polis a atende cu nan y detene ambos. Su Jeep Wrangler tambe a wordo a confisca.
