Oranjestad: Diabierna den oranan di atardi tabata tin un carta den circulacion riba whatsapp cu a causa panico y hopi bruhacion.
Gobierno y Rampenburo ta pidi pa pueblo keda trankil, actualmente no tin niun Tsunami na caminda pa Aruba, pero si Gobierno y e departamentonan concerni mester ta semper prepara pa cualke eventualidad, pa e motibo ey e carta a wordo traha, pero e lo tabata algo interno di e departamentonan y no tabata pa publicacion of circulacion riba Whatsapp..
Semper encuando cu tin un calamidad, Rampenburo lo informa pueblo via medionan di publicacion local.
Aki bou por mira e reacionnan ricibi.
Reacion di parti di gobierno,
For di bureau di Minister President:
No tin alerta pa tsunami. Debi na e teremotonan na Puerto Rico, nos mester ta prepara pa tur cos. Tambe pa un Tsunami. Esey e carta ta. No pa trese panico. Pa trese seguridad cu nos ta prepara.
Declaracion for di minister Dangui Oduber.
” Ta importante pa informa communidad cu nos pais ta riba un Tsunami Watch, NO un Tsunami warning. Debi na e teremotonan na Puerto Rico, nos mester ta prepara pa cualkier eventualidad. E carta cu ta circulando ta un standard procedure ora tin tsunami watch of watch pa eventualemte cualkier calamidad. E watch NO ta pa crea panico. No tin un Tsunami na caminda!