Please share e articulo aki pa e yega na e doñonan di e cachonan perdi aki.
Alto Vista: Despues di e tantisimo klapchi cu a wordo tira durante cambio di aña, na e Kapel di Alto Vista a yega cuater cacho y nan tin un 9 dia eynan y no sa con pa bay bek cerca nan doño, mas sigur e doño cu no sa cu su cacho ta eynan, ta buscando su cacho ainda.
Dos di e cachonan aki tin un herida riba nan cabes y sigur lo meste un tratamento pe. Pero tur ta mustra cachonan bon cuida, cu tin doño y te hasta tin un cu ta parce di rasa.
Un di e bendedora dilanti di e kapel a conta nos cu tur dia, nan ta trece awa cu cuminda pa e cachonan aki y tambe a confirma cu ta despues di tiro e cachonan aki a bin sconde na e Kapel.
Esaki ta pasa tur aña cu cachonan ta yega na Kapel y ta keda eynan, na e kapel nan ta sintinan mas sigur paso eynan niun persona no ta tira klaapchi.
Tin un otro cacho mas, cu tin basta siman of luna na Alto Vista, segun un di e bendedornan, e doño a baha e cacho aki y a lage atras na Kapel, e cacho aki tur dia ta haya awa fresco y cuminda for di e bendedornan y e ta hopi custuma cu nan. Un di e bendedoranan a trata na hibe na su cunucu pa e biba eynan, pero ela huy y a yega back na e Kapel. Paso mas sigur elo ta wardando riba su doño pa bin busk’e.
E cachonan a uni y por mira e tristesa den nan cara, wardando pa nan doño bin buscanan y nan ta mira dia ta pasa y niun holor di nan doño. Pa e motibo aki arubanative ta publicando nan potret, pa si bo conoce doño di un di e cachonan aki, of si un di nan ta pertenece na bo persona, please bin busca bo Pet, e ta hayando bo falta y kier bo atencion.
