165
Oranjestad – Dialuna atardi Cuerpo Policial a informa cu durante buskeda a bin topa cu e arma di candela cu a wordo usa door di e atracadornan diasabra anochi. Tawata trata e atraco ariba Jewels in Paradise situa den The Ritz-Carlton Aruba.
Aki ta sigui e comunicado di polis:
“Un rato pasa team di Atraco junto cu un team di polisnan a rastrea e area pariba di Ritz Carlton en busca di joyas y e arma di candela. Por bisa cu a bin encontra e arma di candela den e saliña. E ta un pistool y ela wordo confisca y entrega na e team forensico pa por hasi su investigacion.
Cuerpo Policial ta pidi ken cu a wak algo of sa algo yama tiplijn di polos cu ta 11141”.
