124
L.G. Smith Boulevard, Oranjestad: Diasabra, den oranan di anochi, mientras e parada di Fakkel tabata pasando, ta drenta un informacion cu un dama lo a hoga den pool di Renaissance Ocean Suites. Mesora a manda polis y ambulance na e sitio.
Na yegada a bin compronde cu e dama no a hoga den e pool, pero lo a bira malo y lo a cay den e vijver dilanti di e hotel. E dama kende ta un turista no tabata duna señal di bida.
Na yegada di ambulance e paramediconan a trata na re anima e dama pero esaki tabata sin resultado, no a keda nan nada otro cu pidi pa presencia di un Dokter y di presencia slachtofferhulp pa asisti e famia den nan tristesa.
Pa 12’or y 15 Dr. Texier a constata morto di e dama, kende tabata un turista mericano di 79 aña.
Cuerpo Policial ta informa:
Awe diasabra anochi central di polis ta wordo notifica cu lo mester tin un turista cu no ta duna señal di bida den e pool di Renaissance Ocean Suites.
Di biaha ta manda patruya di polis y ambulance cu urgencia na e sitio menciona.
Enberdad ta topa cu un turista cu no ta dunando señal di bida. Ambulance a haci su maximo pero no por a haci nada mas .
Pa 00:15 dr Texier ta constata morto di e turista femenino nacionalidad mericano di 79 aña di edad. . Causa di morto : e turista a hoga .
Slachtofferhulp a presenta pa brinda asistencia na e famia den e momento dificil aki.
Cuerpo policial ta manda palabra di condolencia na famia di e fayecida.
