Morgenster: Diasabra den careda di 4’or di atardi, ta sosode un accidente na e crusada di Morgenster, entre un auto y un Truck di cargo di Bon Bini Cargo, cu un persona herida, mesora a manda polis y ambulance na e sitio.
Na yegada polis ta bin compronde cu e Hyundai Tucson tabata biniendo di pabou y e Truck di Bonbini Cargo a sali su dilanti y a dal’e, segun e chauffeur di e truck e no a mira e auto biniendo di pabou.
Mientras cu polis tabata tumando datos, nan a bin ripara cu e chauffeur di e Truck di e compania aki ta bou influencia. E agentenan na e sitio mesora a haci un test di alcohol cu e chauffeur y a resulta cu e chauffeur a supla 755.
Mesora ela keda deteni y transporta pa warda di polis. Mientras tanto ambulance a presenta y e paramediconan a trata e persona herida na e sitio, e persona aki tabata den e Hyundai Tucson.
