E ex presidente di Ecuador, Rafael Correa, lo mester presenta dilanti mesa berde relaciona cu casonan di corupcion. Esaki corte na Ecuador a dicidi.
Brussels, Belgica: E ex presidente di Ecuador, Rafael Correa ta bibando actualmente na Belgica. Diabierna ultimo, corte na Ecuador a dicidi cu elo mester presenta dilanti mesa berde. Segun husticia na Ecuador, Correa lo a ricibi casi 8 miyon dollar for di companianan, entre otro for di e conocido compania gigantesco di brazil Odebrecht, e compania aki ta conoci pa ta envolvi den varios casonan den corte y di corupcion na diferente pais na mundo.
Aparentemente elo a ricibi placa y a cambio e companinan lo a ricibi contractnan for di Gobierno di Ecuador durante su presidencia. Un 20 otro persona, entre otro, empresarionan, funcionarionan y e ex vice presidente Jorge Glas, tambe lo wordo huzga den e caso aki.
Desde 2017 Rafael Corra a baha como presidente y e ta bibando cu su famia na Belgica.
E ex presidente tambe ta wordo acusa di ta envolvi den un caso di secuestro di un oponente politico na 2012, pero pa e crimen aki segun ley e no lo por wordo husga.
