Paradera: Diasabra anochi den Club Caiquetio tabata tin e Festival di Dande, un cantidad di grandi di varios participante, Arubianonan cu ta sigui cu e tradicion unico di Aruba, cu ta nos Dande.
Durante e Festival Minister di Cultura, Xiomara Maduro tabata presente y hunto cu Harry Croes a duna varios baluarte di Dande, un reconocimento pa nan aporte na nos cultura, especialmente nos tradicion di Dande.
Na comienso di e Festival e publico no tabata grandi, pero mas memey di e Festival, a cuminsa yega mas hende y a yena e Club Caiquetio, poniendo asina hopi ambiente. Bar y cushina manera tur aña tabata bon surti.
Na momento cu tur e participantenan y publico tabata en espera di e resultado final un grupo di diferente musico a uni y hunto a canta Dande.
Na final di e Festival Aruba a conoce su Reina di Dande 2019 cu a keda den nomber di Julisa Boekhoudt y nos Rey di Dande 2019 cu a keda den nomber di Jonathan Croes.
Arubanative.com ta manda un palabra di felicitacion na Aruba su Reina di Dande Julisa Boekhoudt y na Aruba su Rey di Dande Jonathan Croes.
