Un hoben ladron di auto cu ta biba na e cuidad mericano Chicago lo pensa dos biaha bon prome cu e bay horta un auto cu tin mucha den dje sinta.
Chicago USA: Den weekend un tata a bay cu su tres yiunan cumpra Pizza, e tata a ordo e pizza y su yiunan a compañe den auto pa bay busca nan Pizza. E tata a staciona su SUV auto dilanti di e Pizzeria.
Mientras e tata a baha bay paden, un ladron di auto a kere cu esaki ta su chens di horta e SUV. Ora ela subi den e auto y a cuminsa bay cu e auto, e tres muchanan cu tabata sinta patras a cuminsa grita y a cuminsa lucha cu e ladron.
E yiu homber di 9 aña a dal e ladron cu su iPad hopi duro riba su cabes, mientras e ruman muher grandi di 16 aña a choca e ladron. Mientrastanto cu e tabata yamando 911. Segun e mucha muher di 16 aña, e no tabata tin ni 30 seconde na su telefon, cu e ladron a bula for di e auto y a sali na careda bay.
E ruman muher chikito di 4 aña tambe tabata den e auto. E ladron no a haya chens pa haci niun di tres mucha un daño.
