J.E.Irausquin Boulevard – Diadomingo mainta pa mas o menos 9’or informacion a drenta cu pazuid di Ocenia Condo Resort un accidente serio a sosode, unda cu un auto lo a bolter.
Na yegada polis a topa cu Taxi 104 ariba su banda robes, na stuur tawata un Taxista femenino di edad.
E otro vehiculo ta un Hyundai Getz color geel, na stuur tawata un dama cu dos mucha.
E accidente a sosode ariba un crusada cu tin borchi di trafico, indicando cu un di e autonan no a duna e otro preferencia.
Na e sitio nos a compronde cu e taxista posiblemente lo ta un hart pashent y por a mira esaki door cu e tawata pone su man hopi na su pecho. Debi cu ela keda “pega” den e auto a pidi pa Materiaalwagen pa yuda sake di e auto.
Despues cu e bomberonan a sake nan a pase over pa Paramediconan cu tawata warda pa tume over y bay Hospital. Paramediconan a controla e ocupantenan di e Getz cu a resulta levemente herida.
