Despues di un sentencia di Corte Supremo na Roma, tur italiano por planta algun mata di marihuana na Cas sin hayanan den problema cu Husticia.
Napoli, Italia: Algun tempo pasa un homber di Napoli a wordo deteni pa autoridad despues cu nan a haye cu dos mata di Marihuana na su cas, Hues a sentencia e homber aki cu un aña di castigo di prison. E homber no a lag’e keda te eynan y a sigui busca su derecho, ela bay Corte Supremo na Roma.
E corte na Roma recientemente a duna un sentencia y a dicidi cu mester haci excepcion pa esnan cu ta cultiva marihuana den un cantidad chikito, por ehempel pa propio uso.
Cuanto mata exactamente ta wordo permiti no ta conoci ainda. E sentencia completo di Corte lo wordo publica na Italia aki un paar di siman of luna.
Un cos ta sigur cu na Italia no ta wordo permiti mas pa cera personanan cu tin dos mata di marihuana na nan cas.
