Macuarima: Diabierna pa mas o menos 4’or y 15 di atardi, presenia di polis a wordo pidi na JR Autocenter na Santa Cruz, pa motibo cu un señora a presenta na e negoshi y tabata claim cu un auto di marca Mercedes Benz cual nan tabata cambiando su tirenan, lo tabata di dje. Na momento cu e señora a reclama e doño nobo di e auto, esaki no a cai den bon tera cerca dje. E doño nobo a bisa e señora cu e no tin nada di papia cu ne y cu ta cu Polis so e lo papia.
Segun e señora ela divorcia y den e sentencia huez a dicta cu e auto aki lo keda pa su persona y aparentemente su ex-casa no lo a cumpli cu ordo di Hues di pase e auto. Di otro banda e doño nobo di e Mercedez Benz ML 350, a bisa cu ela cumpra e auto legalmente di un persona cu semper e auto tabata di dje.
Polis mesora a tuma e desicion di confisca e auto, mirando cu ambos persona ta keda para riba nan palabra. Polis a splicanan cu nan mester presenta na Warda di Polis cu e documentonan legal den cual ta prueba cu e auto oficialmente ta pertenece na un di nan.
