Un biaha mas a keda demostra cu Gabinete Evelyn Wever-Croes desde cu a tuma e decision di goberna un pais hereda practicamente den bancarota, a bin ta hiba un maneho pa stabilisa nos finansas, stimula nos economia y alabes percura pa e hende ta central. Den esaki den tur crisis financiero cu Mike Eman y AVP a laga Aruba atras nos ta keda bringa pa trece alivio pa pueblo pero tambe pa comercio y unda esaki mester por refleha bek den comunidad
Maneho deficiente di AVP pa locual ta energia
Gobierno di AVP a percura pa den temporada cu prijs di petrolio tabata bao di $50 pa bari a hedge esaki na $150 pa bari cu a causa cu prijs di coriente a aumenta barbaramente. Na 2017 Mike Eman a gaña pueblo cu un rebaho chikito mientras cu pa 8 aña a masacra pueblo cu esaki. Banda di esaki el a percura pa e proyecto di Green Conference unda a malgasta miyones di placa pa haci Richard Arends miyonario y a regala placa facil di pueblo na Al Gore (mas cu 500.000 florin), Wubbo Ockels (casi 1 miyon florin), Richard Branson (500.000 florin) y asina por corda e famoso aventura di casi 17 miyon di Ecogas sin cu pueblo a wak reduccion den bon tempo unda cu prijs di bari di petrolio tabata na suela.
A stop e proyectonan lunatico
E gobierno actual cu a sinti e necesidad pa stop e proyectonan lunatico di Mike Eman a cuminsa na reduci esaki y hinca e placa den plantanan nobo cu ta usa fuel oil mas eficiente y sigur busca fuel oil na prijs mas barata. Esaki a conduci cu awe Aruba lo conoce den tempo dificil un reduccion di prijs di coriente cu lo trece alivio financiero pa cada ciudadano. Cu esaki Gabinete Evelyn Wever-Croes ta cumpli cu pueblo di Aruba den su totalidad y sigur pa 2020 por spera mas proyecto na bienestar di pueblo y dunando speransa un biaha mas.
Pabien na Prome Minister Evelyn Wever-Croes pa e esfuersonan grandi cu el a bin ta haci pa trece alivio di berdad den cada hogar na Aruba.
