Turista herida despues di a dal cu Scooter den un buraco ariba caminda

J.E.Irausquin Boulevard – Diaranson atardi pa mas o menos 5’or polis y ambulance a bay ariba e caminda cu a wordo cera altura di Amsterdam Manor. Pues e caminda cu ta core su dilanti.

Eynan un Turista di un Barco Crucero a accidenta cu un Scooter Rented.

Loke a sosode tawata cu parse cu ariba a parti di caminda ey cu ta cera, tin un buraco ariba e caminda.

Y lo no ta prome Scooter cu a accidenta door di esaki.

E Turista a ricibi golpi na pia cu varios rasca.

Na yegada di Ambulance ela nenga asistencia di Paramediconan.

Polisnan a dune lift pa e Cruise Ship unda elo busca ayudo medico eyriba.