Oranjestad – E siman cu ta tras di lomba a sosode algo “peculiar” na un warda di polis cu nos lo no bay divulga cua.
Tawata den oranan di mainta pa merdia cu a yega un pareha di Trinidad aparentemente residencia aki na Aruba na un warda di polis.
Den un saco nan lo tawata tin algun Chicken Roti(cuminda), pa esnan cu no sa kiko ta Rotie, e ta un sorto di Flatbread/Wrap cu curry chicken y batata etc etc.
Nada malo cu esaki y ta algo hopi dushi.
E cabayero a yega y den un saco tawata tin varios Roti, net e bayendo paden a puntre si e mester ayudo.
Su contesta: ” Si, mi a bin trece tres Roti, pa algun amigo dimi”.
Ela wordo puntra si e ta na adres corecto.
“Si si(na Ingles), nan a bisami cu aki mi lo hayanan, e personanan aki a yudami hopi bon, y nos di Trinidad ta mustra nos aprecio door di duna cuminda”.
Parse cu e tres personanan ey aparentemente tres agente policial a bisa e cabayero cu nan ta gusta Roti, y debi cu nan a yude asina bon ela priminti nan cuminda o sea traha Roti pa nan.
Ela wordo splica cu esey no mag of ta posibel tuma “cos”, esta como Ambtenaar.
E cabayero di Trinidad a sinti’e poco fastioso y mester a bay bek cu su Rotinan cu lo tawata pa tres agente policial.
Kiko e agentenan aki lo por a yuda e pareha aki asina bon cu nan ta gradecido no ta conoci.