Ayera nos a tuma nota di algun exprecion emocional di sr. Canderlaria, pa e motibo cu entre otro a expone, cu un luna prome cu eleccion Mike Eman a nombre como director di Directie Scheepvaart. Nos a scucha su discurso den cual e ta boga pa un politica riba nivel y uno di balor agrega. Remarkabel ta cu te dia di awe nos no a ripara nada di balor agrega di su parti. E dicho cu e a uza: “Wie met pek omgaat raakt ermee besmet”, kisas ta aplicabel pa su persona.
ROBERT CANDELARIA Y CASO AVESTRUZ
Na momento cu caso avestruz a presenta nos a tuma nota cu sr. Candelaria no a sali na defensa di e aparato Hudicial. Ela permiti pa su partido ataca Ministerio Publico y Cuerpo Policial y cuestiona nan profesionalismo y imparcialidad. Como ex-alto inspector nos tawata pensa cu e tambe lo para na banda di Husticia, pero envano. Despues cu ela vocifera cu e no kier hiba un debate riba proceduranan Hudicial y e aparato Hudicial, pa e motibo cu e kier laga Husticia funciona imparcial, ela para silencioso banda di Mike Eman y lage ataca e aparato Hudicial frontalmente.
PROGRAMA RADIAL BEBE TE CU AVP (AKA KAPSALON)
Nos a scucha Robert Candelaria tambe expresa su mes cu e aparato Hudicial ta vulnerabel pa wordo manipula, entre otro door di mi persona. Nos ta di opinion cu esaki no ta e politica di balor agrega cu Candelaria ta pretende di ta para pe. Sigur si e no tin ningun base pa haci e expresionnan aki. Na mes momento si e ta un homber di caracter e lo para y contradici e atakenan baho y vil contra e aparato Hudicial haci door di su coleganan. Pero envano !
CONFERENCIA DI PRENSA
Durante su ultimo conferencia di prensa sr. Candelaria a expresa cu ela drenta politica pa ta di balor agrega. Aunke te cu dia di awe e no a presenta ningun ley di iniciativa, y solamente presenta critica destructivo. Sinembargo nos ta dune beneficio di duda y lo wak si enberdad e kier ta di balor agrega y lo sostene; 1. Ley di integridad/screening 2. Ley di identificacion 3. Presupuesto 2020 (cu surplus di 29 miyon florin) 4. Ley di financiamento di partidonan politico.
PA CONCLUI
Riba e potret, compaña cu e articulo nos ta wak sr. Sevinger, sospechoso di estafa, soborno, falsificacion di documento, labamento di placa y maluzo di su funcion. Tambe nos ta wak sr. Candelaria, cu silenciosamente a sinta scucha su coleganan ataca e aparato Hudicial. Ora nos bay trata e diferente leynan nos lo wak si di berdad Candelaria kier ta di balor agrega, of si ela wordo besmet cu “pek”!