Jaburari – Diahuebs merdia mesun ora cu melding a drenta cu auto a dal un peaton na Pardera polis ta haya un otro informacion di un accidente frontal, esaki tawata altura di Tesco na Jaburibari.
Mirando cu patruya di Trafico tawata bayendo Paradera pa e peaton cu a wordo alcansa, patruya di Noord a bay Jaburibari. Door cu tawata trata di un accidente frontal.
Na yegada poco pazuid di e crusada dilanti e supermercado polis a bin topa cu e autonan.
Tawata trata di un Kia Sportage y un Kia Truck flatbed.
Na e sitio chauffeur di e Kia Flatbed a baha y cana bay di e sitio, lagando un cantidad di tools den e parti patras.
Loke a sosode tawata cu e Kia Sportage bayendo direccion nort a evita di dal tras di un auto cu a bay bira na su man robes. Door di esaki e Kia Sportage a maniobra na su man robes y ta dal frontal contra e Truck Flatbed.
Algun rato despues tata di e chauffeur di e Kia Flatbed a yega, bisando cu su yiu a yega cerca dje spanta bisando cu ela boks.
Polis a bisa e tata cu su yiu mester bin bek na e sitio pa mustra su rijbewijs.
Mientrastanto Mobile Unit di Ambulance a presenta pa controla un di e partidonan cu lo tawata tin poco dolor.