Queen Beatrix International Airport – Diamars atardi autoridad na Airport a wordo notifica di un incidente sumamente lamentabel ariba un vuelo KLM cu ta yeganado.
Den careda di 5’or e Capitan di e vuelo procedente di Amsterdam KL769 a avisa cu nan ta yegando cu persona sin bida.
E persona un hoben di 22 aña lo a fayece abordo di Vuelo den careda di 2’or di merdia, elo ta hunto cu un amigo aparentemente pa pasa vakantie.
Su famia mientrastanto ta na Aruba caba, nan lo a yega prome ariba un vuelo di TUI, y lo ta wardando nan yiu homber.
Investigacion ta den full swing di parti Autoridad hunto cu slachtofferhulp.
Pues autoridad lo bay conduci un investigacion riguroso pa mira kiko a pasa e hoben Hulandes aki.
Emocionnan ta halto di tanto Cabin Crew y tambe famianan cu tawata wardando nan yiu yega.
Manera nos haya mas informacion lo suminstra esaki.
UPDATE UPDATE UPDATE
Informacion adicional haya di parti Cuerpo Policial 7:11 p.m:
CUERPO POLICIAL ARUBA TA INFORMA:
Pa mas o menos 3.30 melding a drenta via Central Di Polis cu un persona di edad relativamente jong a fayese ariba un vuelo di KLM KL769 direccion Aruba. E vuelo tawata planea pa ateriza pa 6 or di atardi.
Na jegada dokter Texier pa 6.30 ta constata morto di D.K. Di 22 aña y di nacionalidad Hulandes.
Personal di Slachtofferhulp tambe a wordo poni na altura pa duna nan asistencia na e famia y e personal di KLM.
