Bo persona ta wordo cordialmente invita pa e “Kidpreneur$ Bazaar”, cual lo tuma luga diasabra, 30 november 2019, di 4:00 p.m. – 6:30 p.m., den Caya Principal G.F. Betico Croes entre Aldo y ex-Interbank.
Den e bazaar aki e muchanan cu a participa den projectonan di: “Kidpreneur$ with BIG Ideas” (duna na Traimerdia) y “Kid$ BIZ Market” (durante e vakantienan di scol), tur entre e edad di 9 pa 13 aña, lo bin hunto y nan lo bende na e pueblo di Aruba e productonan cu nan mes a crea.
Den e projecto(nan) aki e muchanan a haya educacion empresarial cu a juda nan reconoce oportunidadnan comercial.
Door cu e muchanan a ricibi diferente workshops den diferente angulo, e muchanan a haya mas idea di con nan por usa nan mes un creatividad pa jega un dia na nan propio negoshi.
Nos por a nota cu cada mucha cu a participa den e projectonan aki, tabata hopi satisfecho y a keda cu e gana pa algun dia nan por experiencia den un forma educativo, kico ta pa “ser un comerciante”.
Pa e motibo aki, Directie Economische Zaken (DEZHI)/(Iniciativa pa Desaroyo pa Empresa Arubano (IDEA) hunto cu e siguiente simpatisantenan, Minister di Finansa, Asuntonan Economico y Cultura, SETAR, Bureau Traimerdia, Departamento di Cultura, ta organisando e “Kidpreneur$ Bazaar” aki.
E benta di e productonan di e muchanan lo sosode entre 4:00 p.m. – 6:30 p.m., mientras tur presente lo disfruta di musica y canticanan di pasco canta door di muchanan.
