Camara di seguridad na un Supermarket a capta un dama cu a horta un botter di azeta di motor
Shiribana: Diasabra algo pasa di 11’or di mainta presencia di polis a wordo pidi na e Supermercado Lox Sing na Shiribana, pa un caso di ladronicia.
Na yegada e doño di e Supermercado a splica polis cu riba e camara di seguridad nan a capta un dama hortando un botter di azeta grandi di motor. E botter di azeta tabata geel pero despues di un rato e dama a bolbe bek den e supermercado cu un botter di azeta cora reclamando cu elo a haya e botter di azeta bashi. Na momento cu e chines a confronta e dama cu e ta gaña y cu ela horta un botter di azeta, e dama mesora a busca manera di sconde y a core bandona e supermercado.
E doño di e Supermarket mesora a yama polis y hopi liher varios patruya di polis a yega na e sitio, pa asina nan a haya mas informacion di e dama y con e tabata bisti. E patruyanan a busca den becindario pero no a topa cu e dama aki. Polis tin tur informacion di e persona aki.