espues di un exitoso campeonato di Best of the Best Taekwondo Cup cu participacion di Aruba, Corsou, Frans Guyana y Surinam a yama un reunion hunto cu e dirigentenan cu tabata presente den Best of the Best 2019.
Nos referee Olimpico Master Guillermo Rodriquez di Venezuela a trece varios punto pa dilanti pa haci Best of the Best 2020 hopi mas exitoso, manera un stik, switcher, coaching, Poomsea, Breaking y TK5.
Dr. Guaicaipuro Jimenez Presidente di Aruba Taekwondo Bond “ARTBO” ta contento di mira con e atletanan cu a participa den Best of the Best a crece y a mira tambe cu e atletanan a bira hopi tecnico den nan bringamento. Aruba ta ariba e bon caminda y ta premira cu lo sigui crece si tur hende drag een steentje bij pa Taekwondo di Aruba yega e top mas halto den Caribe. Tambe a menciona cu dia 22 di December ta bay tin un training pa tur e atletanan: Cadet, Junior, Senior, coach y entrenadonan di Aruba pa asina implementa e reglanan internacional cu ta bay wordo usa den campeonato na Aruba entrante di Januari 2020.
E team di lifestream a bisa cu nan ta bay tin mas cosnan acerca pa 2020 y a cuminsa cu e promo pa 2020 caba. Nan a pone varios cos caba ariba papel y ta canando e caminda pa por logra tin varios cos cla pa April.
Master Marilu de Veer consul di World Taekwondo Federation a manda un mail pa felicita Aruba cu su Best of the Best, pasobra a aplica reglanan internacional, mirando cu e coachnan tabata bisti netjes. Cu Aruba ta un Pais asina chikito y a haci un impacto den e mundo di Taekwondo.
Alberto Klabér di Brazil Taekwondo Stichting a menciona cu si nos kier sigui crece, nos mester mantene nos mes na e reglanan internacional. Alberto Klabér a bisa tambe cu pa 2020 tur coach cu kier coach tin cu bisti manera ta stipula den e reglanan internacional pasobra ta bay lifestream atrobe. Cu esaki nos kiermen, cu nos no por mustra cu solamente ora di Best of the Best nos ta bisti netjes y despues slordig.