Tanki Leendert – Diabierna marduga polis a baya altura di Rococo Plaza pa un accidente di trafico.
Na yegada di polis nan a bin compronde cu eynan lo ta trata di dos accidente den un.
Loke a sosode prome
Tres auto tawata envolvi, un Kia Rio un Toyota Yaris y un Kia Picanto.
Segun a wordo bisa na e sitio, e Kia Rio lo tawata bayendo direccion pabou y lo a bay pasa auto, pero ta topa cu e Yaris unda e ta dal frontal contra dje.
Esaki a causa cu e Kia Rio despues di e impacto a keda destrui parti dilanti sin luz.
Dado momento e Kia Picanto biniendo di pabou no a mira e Kia Rio cu no tawata tin luz debi na e accidente y a dal contra dje causando asina e di dos accidente na e mesun luga.
Ambulance cu a yega na e sitio a transporta dos dama cu tawata den e Toyota Yaris direccion Hospital, un persona den e Kia Rio tawata sinti poco dolor na rudia pero no lo tawata kier a bay Hospital.
Daño material ta considerabel.