Oranjestad – Diaranson mainta varios patruya a wordo unda Autobusnan ta para e otro banda di Bus Halte grandi na Playa. Eynan lo tawata tin un problema grandi entre algun chauffeur di Autobus.
Na yegada di polis y buscando pa sa kiko a pasa nan a bin compronde cu lo ta problema cu ken ta para na e area of no.
Pues segun nos a compronde un grupo lo no ta laga otro Autobusnan para eynan.
E problema aparentemente lo tawata entre dos Autobus chauffeur y un grupo cu ta core ruta di San Nicolas y Santa Cruz.
Segun nan chauffeurnan di Autobusnan cu ta core ruta di Noord lo a of ta tuma pasaheronan di San Nicolas cu mester bay Hotel.
Parse cu e chauffeurnan di San Nicolas kiermen cu si cos ta sigui asina nan mes lo hiba nan pasaheronan te Hotel.
Na e sitio tawata wordo bisa cu Minister y Departamentonan concerni lo no ta duna oido y awor esaki a bira un problema unda cu chauffeurnan lo a agredi otro.