130
Caya Betico Croes: Diadomingo den oranan di marduga polis ta haya un melding cu lo tin un intento di kiebro den Caya G.F. Betico Croes, esaki na Botica Del Pueblo, mesora a manda un patruya di polisnan e sitio.
Na yegada e agentenan policial a wordo informa cu un persona desconoci cu un piedra grandi tabata trata na kibra e glas di e botica pa sina por drenta paden, pero cu e persona aki a wordo stroba, na momento cu ela wordo atrapa pa un otro persona y e persona aki a grit’e. E sospechos a spanta y a sali na careda bay.
E no a logra drenta paden y tampoco no por a bay cu nada for di den e botica, pero si ela comete destrucion na e glas y na e porta.