Bellstraat – Diahuebs merdia den careda di 2:15 informacion a drenta cu auto lo a alcansa un persona den Bellstraat, esta e caya unda Dimas ta situa bin abou.
Mesora den un rato por a scucha hopi alarma di tanto patruyanan bayendo e sitio y tambe ambulance.
Na yegada parti panort di un supermercado a bin topa cu un auto Hyundai y e señora.
Loke a sosode
Na e sitio polisnan a haya informacion cu e señora lo a bay benta sushi afo. Un Hyundai biniendo for di pariba esta for di unda Dimas ta a pasa dale.
Segun nos a compronde e spiel ta a dale y hunto cu velocidad di e auto a bente un 15 meter mas leu.
Tipo di accidentenan manera esaki sa pasa mas biaha si e chauffeur no calcula con cerca e ta bay pasa di un persona.
Paramediconan na e sitio a nota cu e señora tawata keha di basta dolor su brasanan y tambe su pianan.
Despues di e stabilise Paramediconan a sali direccion Hospital cune.