Tanki Leendert – Diaranson marduga polis a bay altura di Stern situa na Tanki Leendert, unda cu un auto lo a accidenta.
Na yegada polisnan a topa cu un Nissan Cube, cu a dal contra cura di e compania bashendo e abou.
Na e sitio e chauffeur a bisa polis cu e tawata bayendo direccion rotonde Tanki Leendert ora un auto lo a sali su dilanti.
Aki ta unda elo a bay maniobra pa evita un boksmento y a bay caba ta kibra heki di e compania. E heki a cay ariba dos auto causando daño na ambos.
Polis a laga e chauffeur supla y a resulta cu ela pasa e limite un poco, segun nos por a compronde. E chauffeur a admiti na polis cu ela dal “dos drinks”.
Door di e resultado cu a pasa un tiki over polisnan a detene e chauffeur, y a hibe warda unda cu probablemente lo usa un aparato mas grandi pa test e chauffeur miho.
