Director di DOW sr. Marlon Croes a splica riba e trabounan eherci algun luna atras door di FCCA cu ta encera excavacion pa riooleering for di Tanki Leendert/Sero Patrishi bin direccion Kammerlingh Onnestraat y e proceso con e caminda a sak haciendo cu e caminda ta den mal estado.
DOW den colaboracion cu FCCA y Wegenbouw cu a haci e trabou pa nan, a yega na e acuerdo pa drecha e trabou aki. Considerando cu ta drentando fin di aña caba, a opta pa haci esaki manera cu aña 2020 habri. Pa por restaura esaki y trece den e estado bon manera mester ta. Pues comunidad por spera cu manera cu aña habri lo percura pa restaura e caminda den e estado bon manera e mester ta.
Banda di esaki FCCA tin un liña di riooleering pa tira den area di Tanki Leendert patras di Stern cual ta un proyecto grandi, pa cual lo tira liña te na Sero Patrishi pa conecta cu e sistema existente. DOW a otorga e permisionan pa nan por realisa e trabou aki, pero den e caso aki lo vigila e calidad di trabou mas di cerca pa evita cu ora di cere bek, ta tuma luga locual cu a sosode den e caso anterior.